Spiuni “Ramsej” në Top Channel/ Agjenti rus Richard Sorge, çdo të diel në ora 21.00

11/07/2020 13:35

Jeta dhe veprimtaria e spiunit më të famshëm në periudhën para e gjatë luftës së dytë botërore, Richard Sorge vjen në ekranin e Top Channel. Seriali që do të transmetohet çdo të diel ora 21.00 i ka ngjarjet të vendosura në pranverën e vitit 1941.

Riçard Sorge, një agjent sekret i Bashkimit Sovjetik, me nofkën “Ramsej”, po punon fshehurazi në Tokio, i maskuar si turist gjerman.

Kur mëson se Hitleri ka vendosur të pushtojë Bashkimin Sovjetik, Sorge i dërgon një paralajmërim urgjent Moskës, duke i njoftuar për rrezikun, edhe pse s’ishte në dijeni të datës së pushtimit. Fatkeqësisht, eprorët nuk kanë respekt për Sorgen, ndaj Moska e trajton informacionin e tij si të padobishëm.

Por Sorge këmbëngul aq shumë sa del edhe kundër protokollit, duke i dërguar mesazhet njëri pas tjetrit.

Kjo bën që të diktohet nga Shërbimi Sekret japonez, i drejtuar nga kolonel Osaki, i cili ka kohë që e mban nën vëzhgim agjentin sovjetik.

Pasi shpërthen lufta, eprorët vendosin të ndryshojë qëndrim ndaj Sorges dhe i japin një post të rëndësishëm te Shërbimi Sekret në Moskë.Aty ai merr përsipër detyrën e vështirë që të zbulojë nëse

Japonia ka ndërmend ta sulmojë Bashkimin Sovjetik. Dhe nëse po, kur…

Top Channel