Reagime të shumta vijnë pas deklaratës së ministres së Arsimit, Besa Shahini lidhur me protestën e zhvilluar nga maturantët ditën e sotme, për provimin e letërsisë, për të cilin thanë se ishte i vështirë.
Në një postim në “Facebook”, lidhur me këtë temë, ministrja e Arsimit akuzon opozitën se qëndron pas maturantëve që po protestojnë kundër testit të Gjuhës dhe Letërsisë.
Shahini është shprehur e çuditur për natyrën e protestës së maturantëve përpara ministrisë së Arsimit. Çudia e habia lidhet me faktin se ajo nuk kishte dëgjuar ndonjëherë që të protestohet se “provimi ishte i vështirë”.
Për reagimin e plotë të ministres Shahini, klikoni këtu.
Reagime të shumta vijnë nga prindërit e maturantëve kundrejt deklaratës së ministres Shanihi.
Një prind shkruan:
“Përshëndetje zonja ministre, jam prind i një nxënësi maturant por ky test me këto pyetje nuk janë zhvilluar nëpër shkolla gjatë këtyre 3 viteve”.
Ndërsa një tjetër prind shkruan se ndihet tepër e indinjuar me provimin e fundit dhe se vajza e saj ka studiuar shumë.
“Zonja ministre, si prind i një vajze maturante jam tepër e indinjuar me provimin e fundit. Vajza ime ka studiuar pa fund dhe ishte e bindur që do të shkëlqente dhe në provime. Pas provimit në sytë e saj shoh mungesë shprese, pesimizëm dhe humbjen e interesit për të studiuar për provimin e radhës. Ju e nderuar thoni se maturantët ankohen për vështirësinë e testit por po t’i dëgjonit me kujdes do e kuptoni se ata nuk thonë që testi ishte i vështirë por ankohen për subjektivin e pjesës më të madhe të testit. A mund të më përgjigjeni mua e nderuar se si duhet të veproj për të ngushëlluar time bijë e për ta nxitur të studiojë më tepër kur nga realiteti i hidhur i kushtëzuar nga stafi juaj ka humbur çdo ambicie e ëndërr për të ardhmen”.
Top Channel
