Video/ Kuvajti shkatërron në ajër 32 dronë “armiqësorë”, Irani vazhdon të shënjestrojë objektivat kritike në vend 16/07 22:39
Skema e ngjyrave
Madhësia e shkrimit
Një çift që raportohet se shkuan në një “maratonë katër ditore alkooli gjatë karantinës” duke lënë bebet e tyre binjake pa ushqim, janë arrestuar dhe akuzuar për vrasje.
Një nga bebet katër-muajshe, djali, kishte rënë në koma dhe vdiq në spital, pasi bebet e dobësuara ishin gjetur në gjendje të mjerueshme nga gjyshja e tyre.
Vajza e çiftit ende po lufton për jetën në spitalin e Kamchatka në lindjen e largët ruse.
Nëna e binjakeve 23 vjeçarja Margarita Yanayeva, 23, raportohet se i ka gënjyer miqve me të cilët po festonin, duke u thënë se fëmijët ishin në spital me koronavirus.
Por në fakt ajo dhe i dashuri i saj Alexey, 35, nga Vilyuchinsk, i lanë ata vetëm të mbyllur në shtëpi për katër ditë, thanë autoritetet.
Djali i tyre kishte vdekur “nga kequshqyerja” ndërsa motra e tij binjake është në kujdes intensiv duke luftuar për jetën.
“Për katër ditë ata nuk ushqyen fëmijët dhe nuk kishin gjetur një mënyrë alternative kujdesi për ta,” tha një burim i hetimeve.
Fëmijët ishin gjetur më pas nga gjyshja e tyre e cila ishte shqetësuar pasi nuk po kontaktonte dot me telefon, edhe pse rajoni është nën karantinën e koronavirusit.
Ajo telefonoi menjëherë policinë.
Çifti përballet me 20 vjet burg nëse shpallen fajtorë për vdekjen e djalit. Ata përballen gjithashtu për dështim në detyrat e kujdesit prindëror deh rrezikim të jetës së fëmijëve.
Top Channel
