Kokainë e pastër brenda Play Station 4/ Arrestohet 28-vjeçari shqiptar në Mykonos
03/06/2020 18:34
Televotimi me rezultatin më të ngushtë në BBV! Kush është më i preferuari mes Julit dhe Eglës 24/04 00:17
Policia greke ka finalizuar paraditen e së mërkures një aksion, për sekuestrimin e lëndëve narkotike në ishullin turistik të Mykonos-it.
Sipas policisë greke, në pranga ka rënë një 28-vjeçar shqiptar, i cili kishte në brendësi të një pajisjeje elektronike (Play Station 4), sasinë prej 1.3 kg kokainë e pastër.
28-vjeçari u arrestua pak sapo zbriti nga trageti i linjës që lidh ishullin e famshëm turistik të Egjeut me Pireun.
Ai u tha agjentëve se droga do të shpërndahej në piacën e narkotikëve të këtij destinacioni turistik, i famshëm për festat e çmendura dhe mbrëmjet miliona euroshe të personazheve VIP botërorë.
Në kërkim janë shpallur edhe dy shtetas të tjerë shqiptarë, bashkëpunëtorë të 28-vjeçarit,emrat e të cilëve nuk bëhen publik për momentin.
28-vjeçari u dërgua në gjykatë, e cila vendosi ta lërë në burg pa afat.
Top Channel
