SHBA: Rusia po përshkallëzon konfliktin me praninë e trupave koreano-veriore 18/11 22:44
Avioni i linjës ajrore izraelite El Al zbarkoi në Turqi të dielën, për herë të parë pas 10 vjetësh dhe pas një mosmarrëveshjeje të ashpër diplomatike midis dy vendeve.
Avioni “Dreamliner” i El Al u ul në aeroportin e Stambollit, konfirmoi një zëdhënës i kompanisë.
Sipas Jerusalem Post, avioni izraelit po transporton ndihmë në Shtetet e Bashkuara, e cila po përballet me një luftë të pamëshirshme kundër pandemisë së koronavirusit.
Një krizë serioze diplomatike midis dy vendeve shpërtheu në maj të vitit 2010, kur 10 shtetas turq u vranë në një ulje të forcave speciale izraelite në anijen “Mavi Marmara”, e cila po lundronte në ujërat ndërkombëtare në Mesdhe, transmeton KosovaPress.
“Mavi Marmara” ishte në një flotë të anijeve humanitare që mbanin ndihmë në Rripin e Gazës kur komandot izraelite hipën në të në ujërat ndërkombëtare më 31 maj 2010, pasi sipas Izraelit, aty kishte aktivistë të armatosur.
Marrëdhëniet diplomatike ishin të ngrira, dhe në vitin 2016, Izraeli pagoi 20 milionë dollarë në kompensim për familjet e të vrarëve si pjesë e pajtimit.
Në gusht 2016, parlamenti turk ratifikoi marrëveshjen për normalizimin e marrëdhënieve me Izraelin.
Tensionet dhe retorika e ashpër vazhdon midis kryeministrit izraelit Benjamin Netanyahu dhe presidentit turk Tayip Erdogan, veçanërisht në lidhje me çështjen palestineze.
Top Channel
