Ditën e sotme në Mat është konfirmuar rasti i parë me Koronavirus në fshatin Batër e Vogël, njësia administrative Komsi. Top Channel ka mësuar se nga analizat e marra nga 15 persona kanë rezultuar të gjitha negative.
Gjithashtu janë marrë masat për dezinfektimin e banesës së vajzës e cila ka rezultuan pozitiv nga CoVid 19.
Në një prononcim për Top Channel, drejtuesi i njësisë administrative Komsi Arlind Likcani është shprehur.
Arlind Likcani:
Njësia administrative Komsi njofton se sot, për fat të keq është konfirmuar rasti i parë me Covid 19 në fshatin Batër e Vogël (lagjja Pjezë), një vajzë e moshës 16 vjeçare ka rezultuar pozitive.
-Rasti sipas ekspertëve dhe hetimeve të tyre epidemiologjike dyshohet se është i ardhur nga Kruja dhe është rast i izoluar.
– Pacienti i infektuar është asimptomatik dhe është në izolim së bashku me familjen.
– Deri në këto momente familjarët rezultojnë negative pas testeve të bëra.
– Sot u janë marrë tamponë edhe personave që jetojnë në distancë afër banesës që mund të kenë risk më të lartë sipas eksperteve, të cilët kanë dalë negativ.
– Familjes i është siguruar ushqimi dhe çdo shërbim që u duhet nga ana e Bashkisë Mat , medikamentet e nevojshme nga Drejtoria Vendore e Shëndetit Publik Mat.
– Për të siguruar izolimin jemi në bashkëpunim me inspektorin e policisë së zonës dhe Kryetarin e Fshatit për monitorimin e rastit.
-Dezinfektimi i ambjenteve të jashtme të banesës është bërë sot , nesër do vazhdojmë me dezinfektimin e ambjenteve të brendshme të banesës .
– Jemi në kontakt të vazhdueshëm me rastin.
– Bashkë do ia dalim . Frikë jo, kujdes po.
Faleminderit!.
/Ariglon Pali/
Top Channel
