Do ta lejonte Arbër Hajdarin të hynte si banor në BBV? Babai i opinionistit befason me përgjigjen: Nuk do e sugjeroja… 06/05 16:35
Arkologu i vjetër i Egjiptit, britaniku Chris Naunton tha për mediat britanike se ka shumë gjasa që brenda tumës së famshme të faraonit Tutankamun të jetë një mur i rremë prapa të cilit fshihet varri i mbretëreshës Nefertiti.
I njohur për shkurt në të gjithë botën si Mbreti Tut, faraoni i dianstisë së 18-të është monarku më i njohur i Egjiptit të lashtë dhe zbulimi i tumës e tij KV62 nga Howard Carter në 1922, ka frymëzuar shumë egjiptologë.
Teksa trashëgoi fronin në moshën tetë-vjeçare, ekspertët besojnë se babai i djaloshit mbret ishte faraoni Akhenaten, që besohet se është mumja e gjetur në tumën KV55 në luginë e mbretërve.
Disa pretendojnë se Neferiti ishte nëna e Tutankamun, dhe gruaja mbretërore e Akhenaten, dhe se çifti mbretëruan gjatë një prej periudhave më të pasura të historisë së lashtë egjiptiane.
Por Naunton, i cili është autori i disa librave mbi tumat e humbura të Egjiptit, thotë se zbulimi i KV62 hedh poshtë shumë teori.
Në një intervistë me Express.co.uk ai tha: “Nefertiti erdhi nën urdhrat e disa mbretërorëve para Tutankamun. Pra jemi duke folur për Akhenaten dhe gruan e tij mbretërore, dhe dikë tjetër të quajtur Smenkhare. Disa studiues besojnë se Nefertiti e Smenkhare janë i njëjti person. Sigurisht që ka një debat se përse Nefertiti po fshihet nën një emër tjetër, dhe ky fakt është një magnet për spekulime.”
Shumë ekspertë nuk i kanë dhënë rëndësi faktit se varri i Tutankhamun ka qenë disi i vogël për një tumë mbretërore, prandaj disa thotë se në fakt ai duhet të jetë diku tjetër shumë më i madh.
Mbreti Tut vdiq papritur në moshën 18 vjeçare kështu që është e mundur që një tjetër tumë të jetë zbukuruar për varrosjen e tij të nxituar.
Naunton shton: “Në 2015, një kolegu im, Nicholas Reeves, i cili ka studiuar sipërfaqet dimensionale të tumës KV62, tha se besonte se muret nuk ishin mjaftueshëm solide, dhe se prapa tyre mund të ketë diçka”.
“Kjo e bëri të hipotezonte se prapa tyre ka një korridor që është bllokuar dhe disa arsye të bëjnë të besosh se kjo është tuma e një gruaje mbretërore, afërsisht e periudhës së Tutankamun e Akenaten”.
“Për këtë ka vetëm një kandidate dhe kjo është Nefertiti – tuma apo trupi i të cilës nuk është gjetur kurrë.”
Top Channel
