Kinës i vjen virusi nga SHBA, studentja u kthye nga Nju Jorku në Harbin
24/04/2020 01:28
Katari bën thirrje për “veprim urgjent ndërkombëtar” për të parandaluar sulmin izraelit në Rafah 08/05 22:45
Një studente e kthyer nga Nju Jorku mund të ketë infektuar 70 vetë në Harbin të Kinës thonë mediat britanike, e kjo ka bërë që zyrtarët kinezë të vendosin masa të rrepta izolimi në qytetin me 10 milionë banorë.
Grumbullimet janë ndaluar dhe komuniteteve atje u është kërkuar të vëzhgojnë më kujdes vizitorët nga jashtë. 22 vjeçarja ishte kthyer në shtëpi në 19 mars.
Vajza e identifikuar vetëm si Han, kishte qëndruar në karantinë për 14 ditë, nuk kishte shfaqur asnjë simptomë dhe kishte rezultuar negative në testin e tamponit, e madje ajo kishte dalë e pastër edhe nga testet e antitrupave të cilat duhet të kishin treguar se e kishte kaluar infeksionin.
Zyrtarët e shëndetësisë besojnë se ajo ka qenë një “bartëse e fshehtë” dhe e ka shpërndarë virusin tek fqinjët e saj, pasi ka kontaminuar pallatin. Vetëm pas dy testesh të tjera, u pa se vajza në fakt, kishte zhvilluar antitrupa. Prej saj, sëmundjen mendohet ta ketë marrë një fqinj, i cili ia ka përhapur dhjetëra vetëve.
Top Channel
