Rama tha që pensionistët do të lejohet të dalin nesër, reagon policia
17/04/2020 18:21
Kokainë dhe 23 mijë euro “cash”, arrestohet i riu shqiptar në Itali 03/05 18:46
Policia ka reaguar në lidhje me lajmin që dha Rama se ditën e nesërme do të lejohen vetëm pensionistët që të dalin nga shtëpitë deri në orën 11-të.
Nëpërmjet një deklarate ata shprehen se do të asistojë pensionistët, për të respektuar distancimin social.
Gjithashtu u ka bërë thirrje që të mos ulen në grupe.
Policia e Shtetit
Bazuar në urdhrin e fundit të Kryeministrit të vendit, për lejimin e pensionistëve për të dalë ditën e shtunë deri në orën 11:00, Policia e Shtetit do të mirëpresë e asistojë pensionistët, për të respektuar distancimin social.
Policia e Shtetit kërkon mirëkuptimin e pensionistëve që të mos ulen në grupe nëpër parqe apo lulishte, të mos jenë më shumë se dy persona bashkë dhe pas orës 11:00, duhet të kthehen në banesë. Shërbimet e Policisë do të jenë pranë tyre për çdo rast nevoje që ata mund të kenë.
Ndërkohë, në të gjithë vendin do të vijojnë kontrollet e pandërprera kryesisht në qendrat urbane, për respektimin e karantinës. Do të lejohen të qarkullojnë me makinë, të pajisur me autorizim apo në këmbë, në itinerarin shtëpi – punë – shtëpi, pa asnjë ndalesë të gjithë personat që kanë autorizim për të punuar gjatë fundjavës.
Të gjithë të tjerët duhet të respektojnë masat kufizuese për të mos dalë nga banesa deri në orën 05:00 të ditës së hënë, duke përjashtuar lëvizjet për emergjencat mjekësore.
Top Channel
