Covid-19/ Sllovenia heq disa masa, dhjetëra-mijëra punëtorë fillojnë punën nesër
13/04/2020 18:29
Në Barcelonë protestohet kundër rritjes së çmimeve të qirasë 24/11 11:49
Dhjetëra-mijëra punëtorë në ndërmarrjet sllovene, tregti dhe shërbime, do të rifillojnë punën nesër pas një ndalimi njëjavor për shkak të epidemisë së koronavirusit.
Sipas një dekreti qeveritar, mekanikët e makinave, vullkanizorët, vendet më të mëdha të ndërtimit dhe dyqanet e materialeve dhe pajisjeve të ndërtimit gjithashtu mund të funksionojnë.Përgjegjësia për punë të sigurt varet nga punëdhënësit, të cilët duhet ta organizojnë atë sipas Institutit Kombëtar të Shëndetit Publik, ka bërë të ditur sot Oda ekonomike sllovene.
Sindikatat u kanë kërkuar autoriteteve shëndetësore të precizojnë edhe një herë udhëzimet e tyre për të siguruar shëndetin e punëtorëve, në vend që të rrezikojnë përfitimin e kapitalit.”Nëse është e nevojshme, ne nxisim qeverinë të pezullojë të gjitha punët që nuk janë të nevojshme për funksionimin e shtetit,” thonë sindikatat.Sipas të dhënave të qeverisë, numri i rasteve të reja të infeksionit koronavirus po bie.Nga 554 testuar të dielën, vetëm shtatë ishin pozitive, njoftoi qeveria në Twitter.
Gjithsej 1212 u infektuan, 55 vdiqën dhe 152 u shëruan. Infektologët tregojnë se numri i infeksioneve të reja në ditët e fundit është në rënie nga më shumë se 20 në fillim të muajit prill, duke treguar një prirje për të frenuar epideminë.
Top Channel
