“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Shefja e zyrës së Bashkimit Evropian në Kosovë, Nataliya Apostolova, ka thënë se blloku evropian mund t’i ndajë Kosovës 160 milionë euro ndihmë në luftën kundër koronavirusit në 2 deri në 6 muajt e ardhshëm në mbështetje të sektorit privat, atij bujqësor dhe me qëllim të zbutjes së varfërisë.
Në një postim në llogarinë e saj në Twitter, Apostolova ka thënë se pasi ka biseduar me ministren në detyrë të Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike në Kosovë, Rozeta Hajdari, dhe ministrin në detyrë të Financave dhe Transfereve, Besnik Bislimi, fondet mund të ndahen përmes asistencës makro-financiare, dhe granteve nga Instrumenti i Paraanëtarësimit (IPA).
Spoke 2day w/ Ministers @HajdariRozeta & #Bislimi on further EU support to Kosovo to fight #COVID19. Up to €160m could be made available to??by EU in 2-6 months thru macro-financial assistance, budget support & IPA grants 2 support private sector, agriculture & alleviate poverty pic.twitter.com/44IIiyyVAr
— Nataliya Apostolova (@ApostolovaEU) April 6, 2020
Përndryshe, Bashkimi Evropian më herët ka ndarë 5 milionë euro tjera për Kosovën, në luftën e këtij shteti kundër koronavirusit.
Në Kosovë, deri më tash janë konfirmuar 145 raste me koronavirus, përfshirë këtu edhe 23 pacientët që janë shëruar.
Nga radhët e komunitetit serb, janë infektuar 27 persona, ndërsa një ka vdekur.
Komuniteti serb i raporton rastet e veta në Serbi.
Qeveria tashmë në detyrë e Kosovës ka shpallur gjendje emergjente për shëndetin publik.
Ndalimi i lëvizjes së njerëzve në kuadër të masave të qeverisë është në fuqi nga ora 17:00 deri në 06:00, çdo ditë.
Top Channel
