Koronavirusi/ Policia në Afrikën e Jugut qëllon me plumba gome ndaj blerësve në supermarket

28/03/2020 19:16

Policia në Afrikën e Jugut po përpiqet të vendosë masat kufuzuese në përballje me epideminë e koronavirusit ndërsa ka qëlluar sot me plumba gome blerësit e tmerruar jashtë një supermarketi.

Dëshmitarët thanë se 200 apo 300 njerëz ishin grumbulluar në një supermarket të njohur në Yeoville, një zonë e njohur krimi në kryeqytetin Johannesburg, në ditën e dytë të karantinës kombëtare.

Por teksa ata përpiqeshin të zinin vendet e tyre në radhë, nuk po respektonin distancën personale mes tyre. Pak më vonë mbërritën rreth 10 makina policie dhe oficerët nisën të qëllonin plumba gome ndaj blerësve, të cilët u tmerruan më keq dhe nisën të shkelnin njëri-tjetrin.

Një grua me fëmijë ra në tokë.

Më pas policia përdori kamzhikët për të detyruar blerësit të ruanin distancën personale.

Presidenti Cyril Ramaphosa ka urdhëruar 57 milionë banorët e Afrikës së Jugut të qëndrojnë në shtëpi për 21 ditë dhe rregulli po zbatohet me ndihmën e policisë dhe ushtrisë.

FOTO GALERI
1/5

Top Channel