Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Boris Johnson lajmëroi një bllokim të jashtëzakonshëm sot – duke u bërë thirrje të gjithëve në vend që të ndalojnë të gjitha kontaktet ‘jo thelbësore’ me të tjerët.
Kryeministri paralajmëroi që koronavirusi tani ishte në një fazë të përhapjes së shpejtë në të gjithë Mbretërinë e Bashkuar, me Londrën në një ngritje të veçantë. Ai u shpreh se ishte koha për të ndërmarrë veprime radikale për të ndaluar përhapjen.
Të gjithë duhet të shmangin kontaktet që nuk janë absolutisht të domosdoshëm – me restorante, bare dhe kinema dhe udhëtime jashtë kufijve dhe përfundim të tubimeve të mëdha. Duke pranuar se kjo situatë mund të zgjasë 12 javë, Johnson pranoi se po ‘kërkonte shumë’.
Familjet duhet të izolohen për dy javë nëse një person ka shfaqur simptoma, dhe të moshuarit duhet të përgatiten të qëndrojnë larg rreziqeve për muajt e ardhshëm.
Deri më tani në Britani janë 1543 raste, ku 150 janë regjistruar vetëm ditën e sotme, ndërsa viktimat janë 36.
Por ndryshe nga Nju Jorku – ku të gjitha baret dhe restorantet janë detyruar të mbyllen deri në 8 të mëngjesit me kohën lokale sonte – Z. Johnson tha që ai do të mbështeste bizneset dhe britanikët që të ndjekin udhëzimet.
Johnson gjithashtu tha që ai nuk po urdhëronte që shkollat të mbylleshin.
‘Nëse është e nevojshme, duhet të kërkoni ndihmë nga të tjerët për nevojat tuaja të përditshme. Nëse kjo nuk është e mundur, duhet të bëni gjithçka që të mundni për të kufizuar kontaktin tuaj shoqëror kur dilni nga shtëpia për të marrë furnizime. ‘
Tani është koha që të gjithë të ndalojnë kontaktin jo thelbësor me të tjerët dhe të ndalojnë të gjithë udhëtimet jo thelbësore. Ne kemi nevojë që njerëzit të fillojnë të punojnë nga shtëpia atje ku të jetë e mundur. Ju duhet të shmangni pijet, klubet, teatrot dhe vendet e tjera të tilla sociale ‘.
Top Channel
