‘Leksione të lëndëve matematikë, biologji dhe kimi’/ Ministrja Shahini: Çdo ditë, një hapësirë dedikuar maturantëve

15/03/2020 14:29

Nga dita e nesërme, maturantët do të kenë mundësi të përgatiten me leksione të lëndëve kryesore nga televizioni dhe hapësira online e krijuar posaçërisht nga Ministria e Arsimit, Sportit dhe Rinisë.

Ministrja Besa Shahini, me anë të një postimi në rrjete sociale, drejtuar maturantëve, shkruan se: “Duke filluar nga nesër, çdo ditë nga e hëna në të premten, ora 13:30-14:30, në programin RTSH Shkollë do të ketë një hapësirë të dedikuar vetëm për ju nga Ministria e Arsimit, Sportit dhe Rinisë, me leksione të lëndëve matematikë, biologji dhe kimi, në RTSH-1”.

Në këtë mënyrë, maturantët nëpërmjet mësimit nga televizioni dhe online do të mund të shfrytëzojnë më së miri kohën e tyre gjatë qëndrimit në shtëpi.

Top Channel