“Mbyllet” burgu i Drenovës, ndalohen takimet mes familjarëve dhe të burgosurve
11/03/2020 13:45
Drejtoria e burgut të sigurisë të lartë të Drenovës ka dhënë urdhër për ndalimin e takimeve mes të burgosurve dhe familjarëve, deri në një urdhër të dytë.
Në këto kushte, kur është e ndaluar kategorisht takimi i familjarëve me të burgosurit, me një urdhër të drejtorisë së përgjithshme të burgjeve, takimi do të bëhet sipas një forme të re.
Drejtoria e burgut, njofton se ka filluar instalimi i video-projektorëve, në mënyrë që familjarët të kenë mundësinë të komunikojnë me të afërmit e tyre (të burgosurit).
Krijimi i këtyre sallave në burgun e Drenovës do të jetë mundësia e vetme e takimit të të burgosurve me familjarët e tyre.
Top Channel