BRITANI E MADHE- Një person i dytë ka vdekur si pasojë e infektimit nga koronavirusi në Angli.
Sipas Sky News, viktima është një burrë i moshës 80-vjeçare i cili ka ndërruar jetë në Spitalin e Milton Keynes.
Sipas mediave angleze viktima kishte dalë pozitiv nga teste për koronavirusin por megjithatë mjekët po kryejnë analizat nëse CoVid19 ishte në të vërtetë shkaktari i vdekjes së tij.
Ndërkohë në spitalin ku po kurohej viktima, janë izoluar edhe disa raste të tjera të prekur nga koronavirusi. Edhe mjekët që i kanë shërbyer po mbahen nën vëzhgim nëse kanë simptoma të virusit vdekjeprurës.
Vetëm gjatë 24 orëve të fundit në Mbretërinë e Bashkuar janë konfirmuar 47 raste të reja të infektuarish me koronavirus. Në total numri i të prekurve në ishull është 163.
Top Channel
