Alba akuzon rëndë Meri Shehun, astrologia braktis studion pas sherrit 24/11 18:38
Cili është sekreti për të arritur në 112 vjeç dhe për të hyrë në librin Guinnes të rekordeve si më i moshuari në botë?
Të mos zemërohesh kurrë dhe të buzëqeshësh gjithnjë”, thotë japonezi Chitetsu Watanabe, që sapo ka marrë titullin presigjoz nga rekordet Guinnes. Ai ka lindur më 5 mars 1907 në Niigata, në veri perëndim të Japonisë dhe ka marrë certifikatën e rekordit të arritur në shtëpinë e pushimit ku qëndron, në qytetin e tij të lindjes. I vetmi mëkat i tij është nepsi: herë pas here i lejon vetes një puding me karamel. Mbajtësi i mëparshëm i titullit, Masazo Nonaka, një tjetër japonez, u nda nga jeta në janar, kur kish mbushur 112 vjeç e 266 ditë. Rekordmenia absolute sidoqoftë është një grua, edhe ajo japoneze, që ka festuar ditëlindjen e 117 në janar.
Japonia ka një nga jetëgjatësitë më mëdha në botë; në vend numërohen mbi 70 mijë njëqind vjecarë në një popullatë totale prej rreth 126 milionë banorësh. Rekordi botëror i jetëgjatësisë mashkullore është ai i një tjetër japonezi, Jiroemon Kimura, që u nda nga jeta në 2013 pak pas ditëlindjes së tij të 116. Sipas librit Guinnes, rekordi absolut i takon francezes Zhan Kalment, e ndarë nga jeta në 1997, në moshën 122 vjec e 164 ditë.
Top Channel
