Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Një vajzë dhjetë vjeçare është duke luftuar me jetën e saj, pasi u dhunua brutalisht, u godit me gurë dhe më pas u varros e gjallë nga komshiu i saj 21 vjeçar.
Ngjarja ka ndodhur në rajonin Churu, në pjesën veriore të Indisë. Vajza, identiteti i së cilës nuk bëhet i ditur, la shtëpinë e familjes së saj rreth orës 9:30 (sipas orës lokale) për të blerë një çokollatë në një dyqan aty pranë.
Prindërit e vajzës u shqetësuan së tepërmi kur ajo u vonua më shumë seç pritej dhe filluan menjëherë të kontrollojnë për të. Djaloshi 21-vjeçar rrëmbeu dhe përdhunoi të miturën, e rrahu mizorisht, e goditi me gurë dhe u përpoq që ta varroste të gjallë, thotë policia, përcjell media lokale “The Times of India”.
Policia arriti të gjente vajzën rreth orës 10:30 (sipas orës lokale), pa ndjenja, si pasojë e plagëve të marra. Ajo u dërgua menjëherë në spitalin rajonal të qytetit, ku dhe ndodhet aktualisht në gjendje të rëndë shëndetësore. Ndërsa policia njoftoi se i riu 21 vjeçar i cili akuzohet se është dhe personi që ka shkaktuar këtë mizori është arrestuar.
Top Channel
