Miratimi i paketës Anti KÇK/ PD: Njësoj sikur të besosh se hijena do të bëhet vegjetariane

31/01/2020 14:21

Sekretari i përgjithshëm i PD, Gazment Bardh ka reaguar pasi qeveria miratoi sot paketën e shumëpërfolur kundër krimit dhe korrupsionit.

“Që do të zbatojë Edi Rama ndonjë ligj që godet krimin e organizuar, është si të besosh se hijena do të bëhet vegjetariane. ?Sa herë ka një hall të madh, Rama shpik një ligj me emër të madh. “AntiKÇK” ka për të dështuar, siç dështoi “Forca e ligjit”, sepse në krye të qeverisë është ortaku i krimit të organizuar.

Me Edi Ramën kanë dalë jashtë burgut kriminelët më të rrezikshëm. Me Edi Ramën, Shqipëria është shndërruar në bazë operacionale për krimin e organizuar. Me Edi Ramën nuk ka për të patur luftë kundër krimit. Ka vetëm propagandë dhe bashkëqeverisje me krimin e organizuar”, thotë Bardhi.

Top Channel