Futboll Sport Të Fundit

Rekordi i golave në historinë e La Ligas, Barça gati të parakalojë Realin

28/12/2019 01:19

Ndeshja e parë e Barcelonës në vitin 2020, kundër Espanyolit, në “Cornellà-El Prat” (të shtunën, 4 janar, në orën 21:00) do të ketë interes të veçantë si për pikët ashtu edhe për numrin e golave që Barça mund të shënojë në derbin e Katalunjës. Skuadra e Ernesto Valverdes, në varësi të asaj që do të ndodhë në Getafe-Real Madrid, që do të luhet në të njëjtën ditë (16:00), mund të parakalojë ekipin mbretëror sa i përket numrit të përgjithshëm të golave të shënuar në elitën e futbollit spanjoll. Për momentin, diferenca është në favor të “Los Blancos” me vetëm një finalizim më shumë (6137/6136).

Në fillimet e La Ligas, në sezonin 1928-1929, Real Madridi nisi të krijonte avantazhin në këtë kapitull të lojës, megjithëse Barça rikuperoi terren në periudhën 1930-1935, për të lëshuar ndaj rivalit të saj madh midis 1935 dhe 1947.

Ekipi i Barçës, megjithatë, e përmirësoi makinerinë e golave dhe midis viteve 1947-1960, iu afrua shumë Realit falë sulmuesve të mëdhenj si César, Kubala, Moreno, Manchón, Basra, Tejada, etj. Villaverde, Luis Suárez, Eulogio Martínez, Evaristo, Czibor, Kocsis dhe të tjerët, morën epërsinë ndaj Real Madridit, duke përfituar nga 43 golat që realizuan më shumë se rivalët në sezonin 1953-1954.

Në sezonin 1960-1961, Real Madridi e parakaloi sërish Barçën, e cila ktheu hegjemoninë e saj në vitin e ardhshëm, 1961-1962. Sidoqoftë, nga sa vijon dhe deri më sot, dominimi i Real Madridit ka qenë absolut. Diferenca më madhe u arrit me 139 gola në fund të fushatës 1989-1990, kur Real Madridi i “Quinta del Vulture” (Butragueno, Sanchís, Rafael Martín Vázquez, Míchel dhe Miguel Pardeza), tejkaloi për herë të parë numrin e 100 golave në sezon në La Liga.

Ekipi i ëndrrave të Johan Cruyff, me angazhimin e tij për futbollin total, filloi të ulë diferencën. Trajneri holandez, kur u largua në fund të sezonit 1995-1996, e la diferencën në -79.

Me Josep Guardiolën në stol (2008-12), diferenca vijoi të zvogëlohej (-69). Nga atëherë, Barça gradualisht e rikuperoi diferencën e mbetur. Në fund të sezonit të kaluar (2018-19), Barça, kampione e La Ligas me Ernesto Valverden në stol, shënoi plot 27 gola më shumë se Real Madridit (90-63).

Edhe gjatë sezonit aktual, deri në këtë pikë të kampionatit, “blaugranat” kanë shënuar 14 gola më shumë se “Los Blancos” (47-33). Ky është çmimi që paguan në “Santiago Bernabeu” pasi lejuan largimin e Cristiano Ronaldos tek Juventusi. Portugezi u siguronte madrilenëve rreth 50 gola në vit.

Prania e Leo Messit në skuadrën e Barçës, veçanërisht nga viti 2008, kur fillon të shënojë me ritëm të çmendur, ka qenë thelbësore në uljen e diferencës së golave të shënuar. Argjentinasi, që kur u bashkua me ekipin e parë ka shënuar 432 gola në La Liga, pra është golashënuesi më i mirë në historinë e kampionatit spanjoll.

Ndeshja e parë zyrtare e Leo Messit në radhët e Barcelonës ishte pikërisht në një derbi Espanyol-Barça (0-1), të zhvilluar më 16 tetor 2004, në stadiumin “Montjuïc”.