“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Përshpejtimi i rritjes ekonomike në tremujorin e tretë, por edhe gjallërimi i kredisë kanë rritur optimizmin e qeverisë për ekonominë.
Ministrja e financave, Anila Denaj deklaroi se vitin e ardhshëm rritja ekonomike do të rikthehet sërish mbi nivelin katër për qind duke listuar edhe arsyet që sipas saj mbështesin këtë pritshmëri.
Denaj deklaroi se një tjetër stimul për ekonominë gjatë vitit të ardhshëm vjen nga buxheti i shtetit, i cili mban një ritëm të lartë investimesh publike në një kohë që ruan disiplinën fiskale.
Veç investimeve buxheti pritet të injektojë edhe rreth 200 milionë dollarë të tjera në ekonomi përmes programit të rindërtimit. Dy zëvendësministrat e financave shpjeguan se nga këto para nuk do të përfitojnë vetëm qytetarët, por edhe bizneset që janë dëmtuar nga tërmeti.
Në tremujorin e tretë të këtij viti rritja ekonomike u përshpejtua në 3.81 për qind nga 2.4 për qind që ishte mesatarja e 6 mujorit të parë. Sipas qeverisë kjo tendencë pozitive pritet të forcohet edhe më tej gjatë vitit të ardhshëm.
Klodian Tomorri
Top Channel
