“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Takimet mes Lëvizjes Vetëvendosje dhe Lidhjes Demokratike të Kosovës janë pezulluar deri në zbutjen e qëndrimeve nga njëra palë.
Sekretariati për media në Vetëvendosje ka njoftuar se vazhda e takimeve për tentimin e arritjes së marrëveshjes për krijimin e Qeverisë nuk do të mbahet as gjatë së martës si pasojë e pozicionimeve të ngurta nga LDK-ja.
“Nuk ka takim as sot. Nuk ka asnjë zhvillim të ri. Lëvizja është shumë e interesuar për koalicion, por nga pala tjetër po hasim në pozicionime të ngurta”.
Në anën tjetër, LDK-ja ka thirrur mbledhjen e Këshillit të Përgjithshëm, ku në rend dite do të jetë pikërisht ngecja e bisedimeve.
Për këtë zvarritje qytetarët i bëjnë fajtorë të dy partitë.
Megjithëkëtë besojnë se marrëveshja do të bëhet para konstituimit të kuvendit dhe vendin nuk do ta qojnë në zgjedhje.
Marrëveshja fillimisht u premtua se do të arrihet brenda 4 ditësh nga certifikimi i rezultatit zgjedhor.
E pasi u panë ndasitë në nivel të lartë politikë, premtimi tjetër u dha para konstituimit të Kuvendit, të thirrur nga Presidenti më 26 dhjetor.
Top Channel
