Gjyqi ndaj ish-presidentit Trump, një person në SHBA i vë flakën ndërtesës ku u mbajt seanca gjyqësore! 17 persona të lënduar 19/04 20:08
Ka qenë një javë e vështirë për qytetarët e Shijakut, i prekur rëndë nga pasojat e tërmetit të 26 Nëntorit.
Por ekipi i Erzenit në volejboll ua ka thyer sadopak buzëqeshjen me fitoren 3-0 ndaj Partizanit për Euro kupën CEV.
Seti pare 25 -16, Seti dyte 25-19 dhe ai i trete 26-24.
Erzenit i duheshin vetëm dy sete për t’u kualifikuar pas fitores 3-0 me Partizanin në Tiranë.
Sulmet e forta të lojtarëve të Erzenit si Asmend Kula 13, Vuk Medenica 15 dhe Anis Cullhaj 11 dhuruan spektakël shoqëruar me duartrokitje në pallatin e sportit Dhimitraq Goga.
Partizani u mundua të marrë frenat e lojës por e kishte të pamundur të përballonte dhe të fitonte përparësi ndaj Erzenit.
Kristi Berdufi lojtari me numrin 10 i Partizani në rrolin e liberos bëri të pamundurën për të organizuar të tijët kundra ish ekipit ku u shpall kampion por e gjithë dinamika e këtij dueli kontrollohej nga shijakasit.
Ndeshja e kthimit ishte caktuar të zhvillohej më 27 nëntor, nën drejtimin e një arbitri të parë moldav me ndihmës një arbitër turk po në Pallatin e Sportit “Dhimitraq Goga” . Mirëpo tërmeti i fortë i së martës, 26 Nëntor si dhe shpallja nga qeveria e gjendjes së pjesshme të jashtëzakonshme nuk krijonte kushtet normale për zhvillimin e takimit.
Ndaj dhe CEV e pa me vend shtyrjen dhe zhvillimin e tij sot më 4 dhjetor.
Ekipi Erzenit u drejtua nga trajneri Arben Sako dhe ndihmësi i tij Rezart Muka.
Partizani në këtë ndeshje drejtohej nga ndihmës trajneri Elton Tukseferi, ndërsa trajneri i parë, Ylli Tomorri, ndodhet jashtë vendit për arsyet personale.
Erzeni , më 10 dhe 17 dhjetor, do të ndeshet me italianët e “Allianz Power Voley” të Milanos që mban vendim e katërt në kampionatin Italian.
Muhamed Veliu
Top Channel
