Do hetojnë politikanët, kush janë 8 prokurorët e parë të SPAK
25/11/2019 14:51
FOTOT/ Dyshohet se çoi drejt vetëvrasjes gruan dhe tre fëmijët e mitur, çfarë postonte në rrjetet sociale Ergys Arazi, detajet që bien në sy
05/05 22:50
FOTO ILUSTRUESE
Sot u miratuan 8 prokurorët e rinj, që do të jenë pjesë e SPAK, Prokurorisë së Posaçme kundër Korrupsionit dhe Krimit të Organizuar, ndërkohë që KLP çeli garën për pozicionin e drejtuesit të SPAK, e cila do të jetë e hapur për një afat kohor prej 15 ditësh duke nisur nga kjo e hënë.
Në mbledhjen e Këshillit të Lartë të Prokurorisë (KLP) u miratuan me 11 vota pro, projekt-aktet për emërimin e 8 prokurorëve në Prokurorinë e Posaçme.
Tetë prokurorët e parë të SPAK janë Altin Dumani, Arben Kraja, Behar Dibra, Edvin Kondilli, Elida Celami(Kaçkini), Ened Nakuçi, Enkeleda Millonai dhe Klodian Braho.
Prokurorët në SPAK do të kenë një mandat 9-vjeçar, pa të drejtë riemërimi.
Gjatë mbledhjes së KLP, u tha se ky vendim hyn në fuqi me datë 19 Dhjetor 2019 dhe botohet në faqen zyrtare të Këshillit të Ministrave.
Njihuni më poshtë me secilin prej tyre.
M.Hoxha
FOTO GALERI
1/8
Altin Dumani, drejtues i Prokurorisë së Apelit për Krime të Rënda ishte renditur i pari nga Këshilli i Lartë i Prokurorisë për të qenë pjesë e Prokurorisë së Posaçme, SPAK. Altin Dumani e ka filluar karrierën në sistemin e drejtësisë si oficer i policisë gjyqësore në vitin 1999, ndërsa në vitin 2000 është emëruar drejtues i Prokurorisë së Tropojës. Në vitin 2004, Dumani u zgjodh prokuror i Krimeve të Rënda, ndërsa në vitin 2007 u transferua te Prokuroria e Tiranës në pozicionin e zv.drejtuesit.
Në vitin 2010, Altin Dumani u promovua në Prokurorinë e Apelit të Tiranës dhe prej fillimit të vitit 2019 është komanduar si drejtues i Prokurorisë së Apelit për Krime të Rënda. Dumani është angazhuar gjithashtu në mësimdhënie dhe si ekspert pranë Shkollës së Magjistraturës.
Top Channel
