“Jam juriste në Gjykatën e Lartë”, gruaja arrestohet pasi i mori 50 mijë euro të burgosurit
15/11/2019 13:59
Edhe kjo javë me mot të paqëndrueshme! Nga e mërkura shi në formën e shtrëngatave 06/05 07:02
Foto ilustruese
Një shtetase me iniciale A. L., 33 vjeçe, lindur në Përmet dhe banuese në Tiranë ka rënë në prangat e policisë për veprën penale “Mashtrimi me pasoja të renda”.
Operacioni u zhvillua nga Drejtoria Hetimore Qendrore në Departamentin e Policisë Kriminale, në bashkëpunim të ngushtë me Prokurorinë e Tiranës dhe Drejtorinë Vendore të Policisë Tiranë.
33 vjeçarja ka mashtruar shtetasin B. Z., me banim në Tepelenë, duke i marrë 50 000 euro, me pretendimin se ishte juriste pranë Gjykatës së Lartë Tiranë dhe me njohjet që ajo kishte do të ndikonte pranë trupës gjykuese në Gjykatën e Apelit për Krimet e Rënda Tiranë dhe në Gjykatën e Lartë për të nxjerrë nga burgu shtetasin A. M., i dënuar me 30 vjet heqje lirie, për një vrasje në rrethana rënduese që kishte kryer në Memaliaj, në vitin 2015, i cili është duke vuajtur dënimin në IEVP Bënçë, në Tepelenë.
Materialet shtesë i kaluan Prokurorisë së Rrethit Gjyqësor Tiranë.
Top Channel
