Dalin rezultatet mjekësore, ja kur Pjaniç rikthehet në fushë

28/10/2019 20:00

Miralem Pjaniç e mbylli ndeshjen në minutën e 67 në sfidën ndaj Leçes pasi pësoi një dëmtim në kofshën e djathtë. Por lajme të mira vijnë ditën e sotme nga kampi bardhezi.

Pas testeve mjekësore të kryera nga boshnjaku ka dalë se mesfushori nuk ka pësuar dëmtim muskulor.

Klubi e ka publikuar përgjigjen e testeve edhe me një deklaratë në faqen zyrtare të saj.

Pjaniç ka kryer testet mjekësore paraditen e së hënës dhe mjekët nuk kanë dalluar asnjë dëmtim muskulor tek lojtari. Ditën e sotme, lojtari ka zhvilluar stërvitje të personalizuar në palestër, por nesër pritet të rikthehet që stërvitet me pjesën tjetër të ekipit.

Top Channel