Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Njohja dhe trajtimi i të gjithë tifozëve në lidhje me teoritë e komplotit nga tregimet për alienët në Zonën 51, dhe përpjekja për të provuar se ndryshimi i klimës është një komplot global, së shpejti do të kenë se çfarë të lexojnë.
Ose mbase. Edward Snowden foli hapur nëse autoritetet kishin informacione për alienët, nëse ata kishin kontaktuar me ne, dhe gjithçka. Në maj të vitit 2013, Snowden, në moshën 29-vjeç, duhej të ikte në Hong Kong dhe që andej në të gjithë botën për të mos u kapur nga CIA dhe NSA, për të cilat ai kishte punuar si ekspert i kompjuterëve për vite me radhë.
Zbuloi shkallën masive të përgjimit në telefonat celularë dhe telekomunikacionin në përgjithësi, në atë masë sa u zbulua se telefonat mobilë të kancelares gjermane Angela Merkel dhe të paktën 34 krerëve të tjerë botërorë ishin përgjuar, që NSA vetëm brenda një muaji mund të përgjonte dhjetëra-miliona thirrje telefonike.
Snowden zbuloi programin PRISM, për të cilin shkruan gazetat e njohura botërore ‘Spiegel’, ‘Le Monde’, ‘Guardian’, për të treguar më vonë se programe të ngjashme, megjithëse jo aq të zhvilluara, kanë superfuqi të tjera.
Ai kërkohet nga autoritetet e Uashingtonit sot me akuzën e spiunazhit. Një burrë që ka pasur qasje në të dhënat sekrete të CIA-s dhe NSA-s për vite me radhë, tani ka botuar librin me memoare “Permanent Record”, transmeton KosovaPress.
Dhe libri prek gjithashtu atë që mësoi në lidhje me alienët dhe ndryshimet klimatike.
“Me sa di unë, alienët kurrë nuk kanë kontaktuar me tokësorët ose të paktën nuk kanë kontaktuar Shërbimin Sekret të SHBA-së”, shkruan ai në libër.
Snowden, me rastin e botimit të këtij libri, u ftua në emisionin “The Joe Rogan Experience”, ku foli hapur për gjithçka. Sa për adhuruesit e teorive të komplotit, Edward Snowden theu zemrat e tyre.
“Nuk ka prova,” tha ai.
“Unë e di, Joe, që ju do të dëshironit shumë që alienët të ekzistojnë. E di që Neil de Grasse Tyson gjithashtu do të dëshironte t’i kishte ata. Në fakt, me siguri ka, apo jo? Por ideja e dikujt që i fsheh ata në Tokë? Unë kam pasur qasje të hapur në NSA, CIA, ushtri, të gjitha këto organizata dhe nuk mund të gjeja asgjë, “tha ai.
Snowden, në fjalimin e tij publik mbi teoritë e komplotit për jashtëtokësorët, megjithatë tha se nuk duhet të dilet tash me një teori të re të komplotit që do ta përfshinte edhe atë.
“Nëse (ndonjë informacion për alienet) janë fshehur, dhe mund të jetë, atëherë ai është fshehur vërtet mirë, madje edhe nga njerëz që janë nga maja e atyre shërbimeve”, tha ai.
Teorikisht, një gjë e tillë mund të ishte akoma e mundur. Por edhe nëse ka të ngjarë, praktikisht nuk ka shans. Snowden theu sekretet më të rrepta nga zemra e shërbimeve kryesore të sigurisë amerikane, duke bërë që Uashingtoni, Langley, Pentagoni të pësonin dëme katastrofike në marrëdhëniet e tyre me qeveritë e ndryshme në të gjithë botën. Tani ai po mbrohet nga Vladimir Putin në Moskë.
Nëse do të kishte ndonjë lidhje alienët ose ndonjë program tjetër sekret të autoriteteve amerikane, Snowden me siguri se do të ishte në dijeni. Nëse do të kishte një dosje si ky diku në një vend tjetër të botës, CIA do ta dinte patjetër dhe këtë do ta kishte diku në dosjet e saja.
Snowden ka punuar për vite me radhë si ekspert në instalimin e sistemeve të tilla të “miliona” mekanizmave mbrojtës.
“Pra, nëse çështjet në fjalë në lidhje me këto komplote janë thjesht një histori e zbrazët, atëherë si e shpjegoni se çfarë janë kaq shumë njerëz dhe çfarë besojnë kaq shumë njerëz në to?”, e pyeti Joe gjatë emisionit Snowden.
“Të gjithë duan të besojnë në teoritë e komplotit pasi kështu ndihmojnë për ta bërë jetën e tyre kuptimplote. Ndihmon njerëzit të besojnë se dikush ka gjithçka nën kontroll”.
Memoaret e tij, përndryshe, janë shumë larg nga të qenit e kësaj historie. Alienët dhe teoritë e komplotit janë thjesht një detaj. Pas gjashtë vjetësh, ai ka zbuluar përgjimet masive dhe mbikëqyrjen e miliarda njerëzve në botë, duke zbuluar sasi të pashembullt të të dhënave.
“Çdo gjë që bëjmë do të zgjasë përgjithmonë. Jo, sepse ne e duam atë, por sepse nuk na lejohet të harrohet. Më vjen keq për ndihmën që kam dhënë në ndërtimin e një sistemi të tillë,” shkruan ai në librin e tij.
Pas shumë kohësh, ai pati një postim në Twitter që tingëllonte më pak i errët, i pasuruar me humor në llogari të shërbimeve sekrete dhe për njerëzimin. Ka të bëjë me faktin se libri doli në Ditën e Kushtetutës së SHBA-së, më 17 shtator.
“Unë sapo kam përfunduar një komplot ndërkombëtar në më shumë se 20 shtete të botës dhe në një farë mënyre ka ndodhur që ky sekret të mos rrjedhë. Në ‘Ditën e Kushtetutës’ rezultati do të jetë në raftet nëpër botë,” transmeton KosovaPress.
Top Channel
