Presidenti serb Aleksandar Vuçiç e pranoi se i druhet Albin Kurtit, dhe arsyen përse, ia tregoi të perditshmes austriake “Der Standard”.
Vuçiç foli aty për një një sërë çështjes që po e shqetësojnë rajonin e Ballkanit Perëndimor, përshirë dialogun Prishtinë-Beograd dhe ngecjen e procesit integrues.
Por më tej gjatë intervistës së zbardhur nga gazetaexpress, u prek dhe çështja e ardhjes në në pushtet të liderit të Lëvizjes Vetëvendosje, Albin Kurti, si dhe mundësia e heqjen e taksës së shumëdiskutuar mbi produktet serbe e vendosjes së reciprocitetit.
“Nëse Kurti dëshiron të rregullojë diçka, atëherë le të shohim se çfarë mund të bëjmë”, u shpreh ai për “Der Standard”. Por kreu i shtetit serb e pranoi se i druhet një zhvillimi të tillë dhe ndikimit që mund të ketë në dialog, pasi sipas tij, deklaratat e fundit të bëra nga kreu i VV’së “janë më të ashpra se ato të ish kryeministrit Haradinaj dhe të presidentit Thaçi.
“Kam frikë për ndikimin që mund të ketë në dialog. Ditët e fundit, deklaratat e tij publike kanë qenë tre herë më të këqija se ato të Hashim Thaçit dhe Ramush Haradinajt”, ka thënë Vuçiç. Kurti deklaroi muajin e kaluar se tarifa 100% mund të hiqet, por jo pa u vendosur më parë reciprociteti i plotë.
Top Channel
