Bombardimet e vazhdueshme në Liban, refugjatët sirianë largohen nga Libani, zhvendosen drejt… 24/11 17:26
Kryeministri britanik, Boris Johnson po tenton të shtyjë përpara në parlament votimin për marrëveshjen rreth largimit të Britanisë nga Bashkimi Evropian, pasi është detyruar nga kundërshtarët e tij që t’i nisë letër Brukselit për shtyrje për Brexitit.
Teksa kanë mbetur vetëm 10 ditë deri në datën kur Mbretëria e Bashkuar është planifikuar të largohet nga blloku evropian, kushtet e divorcit janë sërish të paqarta, meqë disa politikanë britanikë kërkojnë marrëveshje, të tjerë largim pa pakt dhe ka zëra për referendum të dytë.
Ndonëse Johnson ka arritur marrëveshje me BE-në javën e kaluar për këtë çështje, ende nuk është marrë vendim nëse votimi i këtij dokumenti në parlamentin britanik do të ndodhë të hënën.
Qeveria britanike insiston që ky shtet duhet të largohet nga BE-ja më 31 tetor, mirëpo ende nuk dihet nëse kryeparlamentari, John Bercow, do ta lejojë një gjë të tillë.
Vendimi për largim të Britanisë nga blloku evropian ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016./REL
Top Channel
