Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Princi Endrju me akuzuesen në vitin 2001
Pedofili amerikan, Xhefri Epstein, u vetëvra në burg pas skandalit seksual me vajza nën moshë. Djali i mbretëreshës, princi Endrju, është akuzuar nga një prej vajzave se ka kryer orgji me të dhe tetë vajza të tjera në ishullin privat në Karaibe, të cilin Epstein e përdorte për të organizuar festa seksuale me të mitura.
Virginia Giuffre, (në atë kohë Virgina Roberts), tha se Endrju, djali i mbretëreshës së Britanisë së Madhe, kishte kryer marrëdhënie me të, me Epsteinin dhe me 8 vajza të tjera kur ajo ishte 17 vjeçe. Edhe vajzat e tjera ishin nën moshë.
Princi anglez, Duka i Jorkut, i ka mohuar këto akuza. Edhe gjykatësi amerikan që hetoi çështjen i quajti të pabaza.
Por një dokumentar i Channel 4 po heton deklaratat e akuzues, Giuffre, e cila thotë se në atë kohë abuzohej aq shumë në ishullin e Epsteinit, sa ndonjëherë nuk dinte nëse do të dilte gjallë. Ajo thotë që Epstein dhe Endrju ishin bashkë me të dhe tetë vajzat e tjera, shumica prej të cilave nuk flisnin anglisht. Epsteinin e argëtonte fakti që nuk komunikonin dot, dhe thoshte që me ato shtyhej koha më mirë. Giuffre thotë se herën e tretë që iu kërkua të shkonte me Endrjunë ishte 18 vjeçe, por vajzat e tjera ishin nën moshë.
Sipas dokumentarit, disa prova të reja tregojnë se Endrju është takuar të paktën 10 herë me Epsteining gjatë 12 viteve miqësi, dhe ka ndenjur nën shoqërinë e tij për dy-tri ditë me radhë. Epsteini kishte 13 numra të ndryshëm për të kontaktuar me Dukën anglez, në numëratorin e tij, në Florida.
Dokumentari ka hetuar dhe të dhënat mjekësore gjatë kohës kur akuzuesja thotë se është abuzuar, dhe ka zbuluar se është shtruar në spital për gjakderdhje vaginale në periudhën e deklaruar.
Aj.P
Top Channel
