Një nënë në Prizren të Kosovës akuzohet për vrasjen e foshnjës së saj. Sipas Prokurorisë së Prizrenit, nëna e ka lindur në fshehtësi foshnjën, dhe pa i thënë askujt e ka fshehur të mbështjellë me një bluzë në tavanin e shtëpisë.
Në të tilla kushte djali i sapolindur të cilit nuk i kishte prerë as kordonin ombelikal ka jetuar disa orë, dhe si pasojë e mbylljes së rrugëve të sipërme të frymëmarrjes dhe asfiksisë ka humbur jetën.
Si e tillë, vdekja është jo e natyrshme, e konstatuar edhe në raportin e autopsisë së autoriteteve mjeko-ligjore në Prizren. Ndaj nënës rëndon tani akuza për “Vrasje të foshnjës gjatë lindjes”.
Top Channel
