Kryetarja e LSI-së, Monika Kryemadhi ka reaguar pas përfundimit të procesit të votimit për bashkitë e vendit. Sipas Kryemadhit, “85% e shqiptarëve refuzuan sot votimet moniste të Edi Ramës. Refuzuan premtimet boshe. Refuzuan Ramën.”
Kryetarja e LSI-së flet për një fitore për demokracinë shqiptare dhe goditje kundër diktaturës së Ramës.
“Kjo e sotmja është një fitore për demokracinë shqiptare! Pjesmarrja ekstremisht e ulët është një fitore për popullin shqiptar e demokracinë në Shqipëri si dhe një goditje kundër diktaturës së Ramës. Shqipëria është shtëpia e shqiptarëve. P.S: Sado që ti mbushësh kutitë, shqiptarët të refuzuan. Bye bye Edi”, shkruan Kryemadhi.
Shifra zyrtare e pjesëmarrjes në votime pritet të konfirmohet nga KQZ, ndërkohë që nga PD dhe LSI kanë nisur akuzat e para ndaj mazhorancës për mbushje fiktive të kutive të votimit.
Burime nga KQZ, kjo ishte pjesëmarrja në votime deri në orën 18:00
Top Channel
