Vitrina e Librit/ “Udhëtim i fundit”

Ngjarjet lindin në një qytet si Saranda dhe pikërisht në një shtëpi fëmijësh jetimë duke vënë cdo lexues para dilemës se cilët janë njerëzit që na rrethojnë? Cila është e keqja që na rrethon dhe si të mbrohemi prej saj edhe kur se kuptojmë? Mbushur me të njohura dhe të panjohura libri është një rrëfim për qytetin tënd apo vendshtegtimet e gjithsecilit.

Ky roman lexohet me një përjetim emocional të fortë e duket sikur personazhet e tij i ke të njohur pa përjashtim sepse autori i tij K.Vogli, i ka përshkruar ata me një bindje të plotë. Disa nga edukatoret e tij luajnë dhe rolin e nënave të munguara për këta fëmijë megjithëse brenda tyre ka tipa të cilët nuk e meritojnë që me sjelljen e tyre të qëndrojnë aty. Banaliteti, denigrimi, fjalori vulgar dhe fyes, rrahja dhe denigrimi mes fëmijëve por dhe disa edukatorëve janë pjesë e përditshmërisë.

Autori tërheq vëmendjen mbi rolin e familjes, mbi përgjegjësinë e vet të rinjve, vecanërisht në moshën e adoleshencës, mbi problemet që lindin prej marrëdhënieve seksuale të parakohshme apo ndërhyrjen e biografisë në fatet njerëzore. Të gjitha ankimet e këtyre shpirtërave që jetojnë pasjetën e vet, një gjetje bukur veprës i jep dorë autorit të flasë në emër të tyre duke denoncuar shoqërinë e sotme pikërisht thelbin e saj, në politikat e saj sociale të munguara dhe problematike. Shumë kush e ka cilësuar romanin ‘Udhëtimi i fundit’ si një roman me mesazhe humaniste që ka thurur brenda vetes plot ngjarje që ta robërojnë mendjen.

Top Channel