Me çanta dhe dosje, gazetarët Elton Qyno dhe Artan Hoxha dalin pas dy orësh nga SPAK
25/11 16:08
Duke iu përgjigjur pyetjes së gazetarit të Top Channel, Muhamed Veliu, komisioneri Dimitris Avramopoulos komentoi vendimin e parlamentit në Holandë për kthimin e vizave me qytetarët shqiptarë.
Ai pohoi se nuk dëshiron të hyjë brenda çështjeve të brendshme të një vendi anëtar të BE-së, por shtoi me siguri se në Komisionin e BE-së nuk ka arritur asnjë ankesë.
“Ne nuk bëjmë komente për atë që vendoset në nivelin e vendeve anëtare, por për derisa thelbi kryesor ka të bëjë me mekanizimin për pezullimin e vizave, që ka interes të madh për ju, më lejoni t’u them se Komisioni nuk ka marrë asnjë njoftim nga një prej shteteve anëtare që kërkon pezullimin e vizave. Për asnjë vend në Europë që përfiton nga regjimi i lëvizjes pa viza brenda vendeve të Shengenit.
Nëse mund të ndodhë në të ardhmen, më besoni se do të bëjmë një analizë të kujdesshme nëse një veprim i tillë do të duhet të merret apo jo në përputhje me procedurat dhe informacionin që ka të bëjë me rrethanat specifike të një vendi X”—tha komisioneri.
Top Channel
