Burri jeton në autobus në tokën e tij, por bashkia sërish kërkon ta dëbojë (fotot)
21/05 15:23
Irani ka pezulluar angazhime kyçe të marrëveshjes ndërkombëtare bërthamore të 2015, një vit pasi prej saj dolën Shtetet e Bashkuara të Amerikës. Presidenti Hassan Rouhani tha se ai do t`i mbante rezervat e uraniumit të pasuruar në vend dhe jo ti shiste ato jashtë, siç përcaktonte marrëveshja.
Ai po ashtu kërcënoi se do të rifillojë prodhimin e uraniumit të pasuruar brenda 60 ditëve në vijim.
“Këto masa janë për 60 ditë. Nëse në këto 60 ditë, evropianët do të ulen me ne në negociata dhe të arrijmë një marrëveshje në interesin tonë, veçanërisht për sa i takon naftës dhe bankave, ne do ti kthehemi marrëveshjes së vjetër”, Hassan Rouhani, Iranian President.
Marrëveshja e 2015, synonte të frenonte ambicjet bërthamore të Iranit në këmbim të zbutjes së sanksioneve. Tensionet mes Iranit dhe SHBA ndërkohë janë shtuar ndjeshëm që kur Uashingtoni braktisi marrëveshjen. Irani ka informuar palët që i kanë qëndruar besnike marrëveshjes, Francën, Gjermaninë, Rusinë, Kinën dhe Britaninë e Madhe, për vendimin e tij, mëngjesin e të mërkurës.
Si reagim, ministrja franceze e mbrojtjes tha se fuqitë evropiane po bënin gjithçka mundeshin për ta mbajtur gjallë marrëveshjen, por do të kishte pasoja dhe sanksione të mundshme nëse ajo nuk do të respektohej. Njoftimi i Iranit vjen pasi sekretari amerikan i shtetit, Mike Pompeo bëri një vizitë të papritur në Irak dhe një aeroplanmbajtëse amerikane është dislokuar në rajonin e gjirit.
Top Channel
