Thaçi “mohon” Serbinë
01/05/2019 13:48
Vrasja me armë zjarri në Tropojë, kapet pas disa ditësh arrati autori/ Ishte fshehur në një banesë të braktisur në bjeshkë 24/11 11:19
Hashim Thaçi deklaroi se nuk do të ketë asociacion, e as dialog të kushtëzuar ashtu siç pretendon Serbia, ndërsa e quajti mashtrim ratifikimin e demarkacionit si kriter të fundit për liberalizimin e vizave.
Presidenti i Kosovës e përcolli që në mbyllje të samitit perceptimin e tij për bisedimet; ai foli për paqartësi rreth liberalizimit të vizave, e diskriminim për Kosovën”.
Më optimist u shpreh kryeministri Ramush Haradinaj që tha se ka marrë mbështetjen e Gjermanisë për këtë proces, komente këto të bëra pas një takimi të zhvilluar me ministrin e Punëve të Brendshme të Gjermanisë, Horst Seehofer.
Por njohës të këtyre çështjeve në vend mendojnë se premtimet që këtë vit do të liberalizohen vizat për qytetarët e Kosovës, janë joserioze, kur dihet që institucionet e Bashkimit Europian, përballen me zgjedhjet.
Emrush Ujkani, profesor i të Drejtës Evropiane në Universitetin e Prishtinës, tha për Radion Evropa e Lirë se liderët e Kosovës nuk I kane peshuar mire deklaratat e tyre se sivjet mund të ndodhë liberalizimi i vizave.
Thaçi ndërkohë kërkoi që Kuvendi i Kosovës të nxjerrë me urgjencë rezolutën për gjenocidin dhe krimet e Serbisë të kryera ndaj shqiptarëve në Kosovë.
Kërkesa e tij erdhi një ditë pasi e mbijetuara e dhunës seksuale gjatë luftës në Kosovë, Vasfije Krasniqi –Goodman, dha një dëshmi rrënqethëse përpara Kongresit Amerikan lidhur me keqtrajtimet që iu bënë nga policët serbë.
Top Channel
