Ekzekutohet shqiptari në burgun e Trikallas
01/05/2019 12:10
Era e fortë thyen pemët, shkatërrojnë këndin e lojërave në parkun e Drilonit 23/11 10:20
Një i dënuar shqiptar është viktima e radhës në burgjet greke. Sipas burimeve policore,viktima u qëllua me thikë prej dy të dënuarve ruse, në rrethana ende të pa ditura.
Ngjarja ndodhi jashtë klinikës së burgut, mbas një debati që viktima pati me ekzekutorët.
Emri i viktimës nuk bëhet publik për momentin prej autoriteteve greke.
Ndonëse viktima u dërgua në spital, mjekët nuk munden ta shpëtojnë.
Ai kishte plagë nga arma e ftohtë, me gjasa thikë.
Trupi i tij u dërgua në morgun e spitalit për ekspertizë mjeko ligjore, ndërsa prokuroria e Trikallas urdhëroi hapjen e një hetimi lidhur me ngjarjen.
Ngjarja e sotme, është episodi i dytë i dhunshëm brenda një muaji në burgun e Trikallas, ndërsa që nga fillimi i vitit, janë shënuar 5 viktima të ekzekutuar në këto burgje.
4 prej viktimave janë shqiptarë, ndërsa një grek.
Përleshjet e dhunshme janë ngjarje e zakontë në burgjet greke, ndërsa kushtet me to konsiderohem si çnjerëzore, madje Greqi është penalizuar disa herë nga gjykatat europiane për situatën me instiucionet e riedukimit në vend.
Top Channel
