Portugezët përkujtojnë revolucionin “Karafil”, që solli fundin e diktaturës

Diktatori Antonio Oliveira Salazar udhëhoqi Portugalinë nga viti 1932 deri më 1968, megjithëse regjimi i tij u shkatërrua vetëm më 25 prill 1974, në revolucionin “Karafil” që çoi Portugalinë drejt demokracisë.

Në Lisbonë të enjten, protestuesit të rinj dhe të vjetër marshuan nëpër rrugë duke bërtitur “Fashizmi, kurrë më!”.
Demonstruesit pushtuan gjithashtu edhe rrugët kryesore të qytetit të dytë më të madh të Portugalisë, Porto, për të brohoritur për lirinë e vendit, por gjithashtu për të kërkuar më shumë të drejta.

Duke mbajtur një karafil të kuq, simboli i revolucionit, presidenti i Portugalisë Marcelo Rebelo de Sousa tha në një dhomë në parlament, para politikanëve dhe mysafirëve, se duhet bërë më shumë për të trajtuar sfidat më urgjente të vendit.

“Ne duam më shumë, shumë më tepër nga demokracia jonë shoqërore, politike dhe ekonomike”, tha Rebelo de Sousa. “Pabarazitë e vazhdueshme vazhdojnë të minojnë kohezionin mes njerëzve, midis grupeve dhe territoreve”.

Catarina Martins, kreu i Bllokut të Majtë, e cila mbështet qeverinë socialiste qeverisëse të Antonio Kosta, tha për transmetuesin publik RTP se “shumë beteja kanë mbetur për t’u fituar dhe për të arritur barazinë”.

“Ne jetojmë në një vend me paga dhe pensione të tilla të ulëta”, tha ajo. “Njerëzit nuk e dinë nëse mund t’ia dalin me ato para, deri në fund të muajit”. Paga minimale e Portugalisë është 600 euro në muaj, krahasuar me 1,050 euro në Spanjë.

Kreu i opozitës Rui Rio gjithashtu argumentoi se vendi ka nevojë për reforma, veçanërisht rreth sistemit të tij elektoral, politik dhe të drejtësisë.

“Pas zgjedhjeve të këtij viti, partitë politike duhet të marrin në konsideratë një reformë të regjimit demokratik në mënyrë që ajo të mbetet demokratike”, tha ai.

Socialistët e Kosta pritet të fitojnë zgjedhjet e tetorit, por duhet të luftojnë për të siguruar një shumicë të drejtpërdrejtë.

Top Channel