Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Një tërmet i fuqishëm ka tronditur veriun e Filipineve këtë të hënë, duke shkaktuar të paktën 8 viktima si pasojë e shembjes së ndërtesave, siç konfirmojnë zyrtarë bashkiakë dhe të institucioneve përgjegjëse për fatkeqësitë natyrore.
Instituti filipinas i Vullkanologjisë dhe Sizmologjisë njoftoi se tërmeti pati një magnitudë prej 6.1 të shkallës Rihter dhe epiqendrën e kishte pranë qytezës Castillejos, në provincën Zambales në perëndim të Manilës. Lëkundja u ndie pak pas orës 17 të pasdites, me orën lokale, kur zyrat qeveritare dhe bizneset private ishin duke mbyllur ditën e punës.
Në Porac, në veriperëndim të Manilës, 5 persona raportohet të kenë vdekur pasi mbi ta ra muri i një supermarketi 4-katësh. Sipas një zyrtari lokal, një e moshuar dhe mbesa e saj kanë përfunduar në spital, pasi u plagosën në supermarket.
Ndërkohë, guvernatorja e provincës veriore Pampanga tha se kishte marrë raportime për të paktën 8 të vdekur, si dhe kishte ndërprerë energjinë elektrike për shumë banorë.
Për shkak të vendndodhjes në të ashtuquajturin “unazë e zjarrtë” e Paqësorit, Filipinet ndeshen shpesh me tërmete dhe shpërthime vullkanike, si pasojë e lëvizjes së pllakave tektonike. Në tetor të vitit 2013, afro 100 vetë humbën jetën si pasojë e tërmetit të fuqishëm që goditi ishullin qendror të Boholit.
Top Channel
