Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Departamenti i Tregtisë i Shteteve të Bashkuara të Amerikës ka dorëzuar në Shtëpinë e Bardhë rezultatet e një hetimi të sigurisë kombëtare mbi importet e uraniumit, tha një zëdhënës i departamentit të hënën.
Hetimi i quajtur “Seksioni 232” u nxit nga një peticion i paraqitur nga dy kompani të minierave të uraniumit në SHBA, Ur-Energy Inc dhe Energy Fuels Inc, të cilat u ankuan se konkurrentët e huaj të subvencionuar, duke përfshirë Rusinë dhe Kazakistanin, i kanë detyruar ato të shkurtojnë kapacitetet dhe të largojnë punëtorët.
Prodhuesit e energjisë bërthamore të SHBA kundërshtojnë veprimet e ndërmarra nga qeveria federale dhe kanë argumentuar se tarifat ose kuotat do të rrisnin shpenzimet për industrinë dhe ndoshta do të shkaktonin mbylljen e disa reaktorëve.
Departamenti i Tregtisë nuk pranoi të diskutojë rekomandimet sepse ato janë konfidenciale. Sekretari i Tregtisë Wilbur Ross tha në korrik 2018 se hetimi do të përfshinte të gjithë sektorin e uraniumit të SHBA, nga minierat te pasurimi dhe konsumi industrial dhe për mbrojtjen.
Ndërmarrjet e uraniumit propozuan dy mjete juridike në kërkesën e tyre, duke kërkuar që uraniumi i brendshëm të furnizonte 25 për qind të tregut amerikan dhe një kërkesë për shërbimet dhe agjencitë federale të SHBA-së për të blerë uranium të SHBA-së – rreth 12 milionë paund në vit.
“Ne besojmë se Presidenti Trump do të njohë rrezikun që të mbështetet në nivele të mëdha dhe në rritje të importeve të uraniumit nga Rusia, Kina dhe rivalët tanë gjeopolitikë”, tha Curtis Moore, një zëdhënës i Energy Fuels.
Top Channel
