Maqedonia e Veriut shpall zyrtarisht: Epidemi fruthi në mbarë vendin
16/04/2019 14:30
FOTO/ Berisha viziton Gjekmarkajn në Spitalin e Traumës 23/12 20:24
Vladimir Mikiç
Ministria maqedonase e Shëndetësisë shpalli epideminë e fruthit në të gjithë territorin e vendit. Shkak për një vendim të tillë u bë rritja e numrit të personave të prekur nga kjo sëmundje, si dhe frika e përhapjes me pasoja edhe më të mëdha.
Autoritetet thonë se, që nga fillimi i vitit janë regjistruar 4 viktima nga fruthi, ndërsa 961 persona janë infektuar, 60 për qind e të cilëve janë jashtë Shkupit.
Më së shumti, sëmundja ngjitëse rezulton të ketë prekur fëmijët. Mbi 70 të mitur janë shtruar në spital prej saj, 7 nga të cilët janë në gjendje të rëndë, sepse kanë pasur komplikacione.
Drejtori i Institutit të Shëndetit Publik, Vladimir Mikiç sqaroi se shpallja e epidemisë kishte për qëllim zbatimin e masave plotësuese lidhur me prandalimin e përhapjes së sëmundjes ngjitëse, uljen e infektimeve të reja, si dhe frenimin e formave të rënda të sëmundjeve si pasojë e fruthit.
Një prej masave të marra ishte ndalimi i vizitave në çerdhe, ndërsa një tjetër lidhet me uljen e moshës së vaksinimit nga 12 në 6 muaj. Instituti i Shëndetit Publik ka ndaluar edhe vizitat nëpër spitale, ndërsa kontrolle do të ketë edhe për punonjëset nëpër kopshte.
Top Channel
