Sulmi terrorist në Ibër-Lepenc, kryeministri Albin Kurti: Urdhrin e dha Milan Radoiçiç, Serbia e financoi 24/12 17:39
Programi “Dua të të bëj të lumtur” solli mbrëmjen e sotme historinë e një djali i cili vuante nga çrregullimet e spektrit autik.
Kjo ishte historia e Luisit, 12-vjeçarit që ishte ftuar në program nga mamaja e tij, zonja Nafije. Prindërit e Luisit ishin njohur para shumë vitesh dhe nga martesa e tyre kishin ardhur në jetë tre fëmijë. Luisi ishte djali i tretë i familjes, por në moshën 1-vjeçare prindërit kishin kuptuar që ai nuk ishte si gjithë fëmijët e tjerë. Pas disa vizitave mjekësore ata mësuan se Luisi vuante nga autizmi.
Ndryshe nga moshatarët e tij që janë të dhënë pas “yjeve” të fushave të ndryshme, Luisi ndiqte çdo ditë edicionin e lajmeve dhe programet e Top Channel. Në studio, Nafija zbuloi që gazetarët më të preferuar të Luisit ishin Genta Popa dhe Ilir Paço. “Luis ti je ëngjëlli i familjes tonë. Ti nuk na ke krijuar kurrë probleme, por na ke bashkuar më shumë. Të duam shumë, po shumë!”,- u shpreh Nafija.
Të ftuar surprizë për Luisin ishine dy spikerat ikonë të Top Channel Genta Popa dhe Ilir Paço. Në studio ata improvizuan një edicion lajmesh dedikuar atij. Dy gazetarët rrëfyen momentin e parë kur ishin takuar me Luisin dhe u shprehën se ishin me të vërtëtë të lumtur që e njohin atë. “Luisi ka një botë tepër të bukur dhe këmbëngulja që ka është e adhurueshme. Unë i uroj atij që t’i plotësohen të gjitha dëshirat që ai ka duke këmbëngulur e insistuar deri në fund. Ne jemi shumë të lumtur që e njohim atë sepse na ka gëzuar pamasë!”,- u shpreh Genta Popa.
Surpriza e fundit që programi “Dua të të bëj të lumtur” kishte rezervuar për Luisin ishin bateristi i Portokallisë, Land Fusha dhe Orgesa Zaimi të cilët performuan për të.
Top Channel
