Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Stadiumi “Giuseppe Meazza”, i njohur ndryshe edhe si “San Siro”, është i pozicionuar në zonën me të njëjtin emër të Komunës së Milanos dhe daton që prej 9 Shtatorit 1926, kur edhe hapi dyert për të pritur sfidën Inter-Milan, e fituar 6-3 nga zikaltrit.
Kur u ndërtua stadiumi, arkitektët patën parasysh që të projektojnë një stadium pa pista vrapimi, pasi synohej që në to të mos zhvilloheshin garat me kuaj, siç ndodhte në shumicën e stadiumeve italiane.
Fillimisht stadiumi ishte në pronësi të Milanit, pro që prej vitit 1947, të dy klubet kanë përdorur bashkë impiantin, duke e shndërruar në një nga më mitikët në botë, ku kanë luajtur emrat më të rëndësishëm të futbollit.
Që nga ajo kohë, stadiumi u është nënshtruar disa rikonstruksioneve, kryesisht për të rritur kapacitetin, por edhe për t’u modernizuar, ndërsa shumë shpejt pritet që klubet e Milanit dhe Interit të ndërtojnë një tjetër impiant dhe të prishin aktualin.
Më poshtë kemi sjellë një kolazh me fotografi që tregojnë shndërrimin e “San Siros” ndër vite…
Top Channel
