Fitorja e Trump në SHBA, analiza e VOA: E ardhmja e NATO-s dhe qëndrimet e republikanit 24/11 16:33
Disa peshkopë polakë duhet të humbasin punën, pasi Papa Françesku të marrë në dorë një raport muajin e ardhshëm, ku do të akuzohen ata për dështimin në detyrën e tyre për të raportuar rastet e pedofilëve brenda Kishës Katolike, thanë disa aktivistë të hënën.
Kisha Katolike Romake në mbarë botën është duke u ngatërruar në kriza që përfshijnë abuzimin seksual të të miturve në një numër vendesh, përfshirë Kilin, Shtetet e Bashkuara të Amerikës, Australinë dhe Irlandën.
Në Poloninë katolike të devotshme, debati mbi këtë çështje ka filluar me vonesë, por fondacioni anti-pedofilik “Mos kini frikë”, po harton një raport mbi abuzimin dhe tha se së shpejti do të informojë prokurorët polakë për 20 krime seksuale të mëparshme.
“Deri në fund të janarit do të kemi një raport që dokumenton neglizhencën e peshkopëve polakë, e cila do të paraqitet në shkurt në Vatikan”, tha në një konferencë për shtyp, Joanna Scheuring-Wielgus, një aktiviste dhe ligjvënëse nga partia e vogël e opozitës “Tani”.
“Kur doli se peshkopët në Kili kishin fshehur krime të pedofilëve, ata humbën vendin e punës. Mjaft peshkopë në Poloni duhet të kenë të njëjtat pasoja”, tha ajo.
Peshkopët e lartë nga e gjithë bota do të takohen me Papa Françeskun në një konferencë në Vatikan, në shkurt, për të diskutuar mbrojtjen e të miturve. Organizatorët thonë se Kisha duhet të tregojë përgjegjësi të plotë ose do të rrezikojë të humbasë besueshmërinë e mëtejshme në mbarë botën.
Në fushatën e saj për të ekspozuar priftërinjtë pedofilë në Poloni, “Mos kini frikë” në tetor, vendosën një hartë interaktive të pedofilisë në internet, e cila ka parë rreth pesë milionë klikime dhe nxiti rreth 300 akuza për sjellje të keqe nga klerikët.
Top Channel
