Pesë të vrarë në protestat në Pakistan teksa mijëra mbështetës të Imran Khan hyjnë në kryeqytet (fotot) 26/11 17:20
Maroku përuroi të enjten trenin më të shpejtë në Afrikë, i cili do të përgjysmojë kohën e udhëtimit midis shpërndarjeve komerciale dhe industriale të Casablancas dhe Tangierit.
Pas shtatë viteve punë në vijën hekurudhore me shpejtësi të lartë, Mbreti Mohammed VI dhe Presidenti francez Emmanuel Macron hipën në tren për udhëtimin inaugurues nga Tangeri në kryeqytetin Rabat.
Treni, i cili u provua me shpejtësi prej 357 km në orë dhe planifikohet të shkojë në 320 km në orë, do të shkurtojë me më shumë se gjysmën e kohës, udhëtimin prej 200 km nga Casablanca në Tangier, që tani zgjat dy orë.
Gjithashtu, ky tren është rreth dy herë më i shpejtë se Gautrain në Afrikën e Jugut, që lidh aeroportin ndërkombëtar të Johanesburgut në lagjen financiare të qytetit Sandton.
Linja me shpejtësi të lartë u përfundua me një kosto totale prej 22.9 miliardë dirhemesh (2.4 miliardë dollarë), sipas agjencisë shtetërore të lajmeve MAP.
Zyrtarët kanë thënë se projekti do të nxisë rritjen ekonomike në rajonin e Tangierit dhe do të ndihmojë në tërheqjen e më shumë investimeve në Marokun verior, ku ndodhet një nga portet më të mëdha të Afrikës.
Top Channel
