Bill Clinton del nga spitali, ja si paraqitet gjendja shëndetësore e ish-presidentit të SHBA-së 24/12 19:01
Koreja e Veriut ka kërcënuar se do të rikthejë në jetë, një politikë shtetërore që synon të fuqizojë arsenalin e saj bërthamor, nëse Shtetet e Bashkuara nuk heqin sanksionet ekonomike mbi vendin.
Deklarata është bërë nga ministri i Jashtëm koreano-verior, mbrëmjen e së premtes. Ai tha se Koreja e Veriut mund të rikthehet të punojë për avancimin e forcës së saj bërthamore dhe zhvillimin ekonomik, nëse Amerika nuk do të ndryshojnë qëndrim.
Peniani, sidoqoftë, nuk kërcënoi me tërheqje nga negociatat aktuale bërthamore me SHBA-të, por akuzoi Uashingtonin se po anashkalon angazhimet e marra nga udhëheqësi koreano-verior, Kim Jong-un dhe presidenti Donald Trump, në takimin e tyre të qershorit në Singapor, për një gadishull Korean pa armë bërthamore.
Sekretari amerikan i Shtetit, Mike Pompeo tha ndërkohë se planifikon javën e ardhshme të bisedojë me homologun e tij koreano-verior. Pompeo nuk tregoi vendin apo datën e takimit, që sipas gjasave do të ketë si qëllim të bindë Korenë e Veriut të ndërmarrë hapa më konkretë drejt denuklearizimit dhe të shtrojë bazat për një takim të dytë mes Trump dhe Kim Jong-un.
Top Channel
