“Çfarë më bën të lumtur…”/ Vrasja e 14-vjeçarit në Tiranë, vogëlushi Rajan Lica drithëron studion e “ArtKand” me një monolog kundër dhunës 23/11 18:54
Në një dhomë betoni, pa dritare, formohet ajo që mund të quhet një version i vogël i ferrit në tokë.
Brenda kësaj ndërtese betoni, shkencëtarët në Ohajo të SHBA-ve kanë ndërtuar një dhomë 14-tonëshe prej çeliku ku rikrijojnë atmosferën mbytëse, helmuese dhe përcëlluese të Afërditës, planetit që dikur ka qenë i banueshëm, binjak i tokës, e ku gjërat kanë shkuar ters.
Qëllimi i studimit është për të zbuluar se çfarë mund të dërgojnë njerëzit në Afërditë e që të rezistojë pa u bërë hi. Sonda e dërguar nga NASA në vitin 1982, e quajtur Venera 13, mbijetoi për vetëm 2 orë. Japonia është i vetmi vend që ka dërguar një mjet hapësinor, por vetëm në orbitën e Afërditës, dhe ai mbërriti aty pesë vite me vonesë.
“Është vërtet si ferr”, thotë Gustavo Kosta, shkencëtari që po punon te “Qendra e Kërkimeve Glen” ku ndodhet kjo dhomë e quajtur “GEER”. Projekti është ngritur nga NASA dhe ka pesë vite që i zhvillon këto kërkime shkencore.
Pasi krijojnë atmosferën përcëlluese, shkencëtarët fusin brenda metale të ndryshme, qeramikë, tela, rrjeta e pajisje elektronike, për të kuptua se çfarë do të ndodhte sikur njerëzit të dërgonin robotë atje.
Top Channel
