Përballë qytetarëve në takimin e përjavshëm të bashkëqeverisjes me njerëzit, Kryeministri akuzoi drejtuesit demokratë në pushtetin vendor se për shkak të motiveve politike, refuzojnë bashkëpunimin me platformën për të zgjidhur hallet e shqiptarëve.
“ Kemi vështirësi specifike me pushtetin vendor, për fat të keq në një sërë bashkish ka një refuzim për të marrë ankesat ku kampione është bashkia e Shkodrës, e cila refuzon çdo lloj bashkëpunimi. Megjithatë, në vazhdojmë të përpiqemi edhe me bashkitë”, tha Rama.
Këtë javë vëmendja ishte te pensionistët, që sipas Ramës kishin hasur në vështirë për përllogaritjen e kontributeve dhe viteve të pensionit.
“ Platforma po ndihmon në mënyrë të vazhdueshme me pensionistët, ata të cilët kanë probleme me pensionin për shkak të një trashëgimie shumë të rëndë me gjithë bazën e të dhënave dhe patjetër për shkak të mungesës së vëmendjes nga a ana e zyrave”, deklaroi kryeministri.
Platforma lejon që me një klik të kontaktoni ministrin tha Rama, një akses që sipas tij nuk kanë e kanë as deputetët e tij: “Madje madje, po them edhe një gjë tjetër që për deputetet mund të jetë më e vështirë se sa për njerëzit që po i shkruajnë platformës që të kenë akses direkt te ministri apo tek unë”.
Pati edhe nga ata që përveç legalizimit të pronës, morën edhe një fotografi si kujtim.
Top Channel
