Analiza/ Çfarë pasojash ka urdhër-arresti kundër Netanyahut? 23/11 08:00
Dy pinguinë meshkuj të cilët janë çiftuar së fundmi në kopshtin zoologjik natyror ujor në Sidnei, janë bërë aq të mirë me përkujdesjen e vezëve, sa kujdestarët e kopshtit u kanë dhënë një vezë të vërtetë.
Jeta ujore e Sidneit tha se kanë vëzhguar këtë çift të pandarë pinguinësh ‘Sphen dhe Magic’ se si janë kthyer në një ekip perfekt gjatë sezonit të çiftëzimit.
Si fillim ky çift u vu re që shpenzonte kohë bashkë dhe notonin në të njëjtën kohë, por më vonë ndërtuan një fole sëbashku.
Folenë e ndërtuan aq të madhe sa që kujdestarët e akuariumit i dhanë një vezë lodër.
“Çdo veprim që bënin me përkujdesjen e vezës ishte natyral, aq shumë sa skuadra e akuariumit u detyrua t’u jepte një vezë të vërtet nga një çift pinguinësh që kishin bërë dy vezë” deklaroi akuariumi.
Çifti po kujdeset që veza të ketë kohën e nevojshme të inkubimit përpara se të çelë.
Por ka ende vend për përmirësime, pasi stafi thotë që pinguini më i vogël, “Magic” akoma po mëson aftësinë e prindërimit.
Ky nuk është çifti i parë i pinguinëve me të njëjtën gjini, pasi ka dhe në kopshte zoologjike të tjera në botë.
Në 2009, dy pinguinë meshkuj – Z dhe Vielpunkt – arritën me sukses të çelnin një vezë dhe të rrisnin një zog në kopshtin zoologjik të Berlinit.
Para tyre një tjetër çift në New York, u kuptuan që kalonin kohë si një çift. Pasi ata tentuan të inkubonin një gur, kujdestarët e kopshtit i dhanë një vezë të vërtetë, e cila çeli me sukses.
Top Channel
