“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Kryetari i PD, Lulzim Basha publikoi një video ku rrëzon pretendimin e Edi Ramës se Taulant Balla bëri publik i pari letrën e nënkomisar Emiljano Nuhut për kërcënimin e tij me pistoletë në kokë.
“Edi Rama gënjen paturpësisht për të fshehur krimin e Taulant Ballës në Policinë e Fushë-Krujës”, shkruan Basha, në videon e të cilit ka një pjesë nga deklarata e Edi Ramës një natë më parë.
“Taulant Balla e nxori vetë këtë gjë. Doli në media dhe lexoi letrën e atij (Nënkomisar Nuhut). E dini ju gjithë kronologjinë apo jo”, tha Rama në një studio televizive.
Në video shpjegohet se intervista e Nuhut u tranmetua në orën 13:46 të datës 26 shtator, ndërsa Taulant Balla doli në media në orën 15:06.
“Sa herë kapet në krim, Edi Rama mashtron për të mbrojtur pushtetin e tij të lidhur me krimin. Politikanët e lidhur me krimin duhet të largohen. Veting pa vonesë”, thuhet në mesazhin e Lulzim Bashës.
Top Channel
